أسئلة شائعة
اعرف أكتر عن ربط متجرك والدفع وحماية بياناتك.
ربط المتجر
المنصة شغالة مع أمازون بس؟
النهارده شغالة مع أمازون مصر والسعودية والإمارات. الربط مع نون وسلة شغالين عليه، وهيكون متاح قريب.
محتاج أدّي أي باسورد أو مفتاح أمازون؟
لأ. الربط بيتم من صفحة أمازون الرسمية في Seller Central، وإنت بتوافق على الصلاحيات هناك. إحنا مش بنشوف باسوردك خالص.
استخدام اللوحة
الأرقام بتيجي منين ومضبوطة قد إيه؟
من أمازون مباشرة. الأوردرات الجديدة بتوصل كل دقيقتين (وفيه زرار «حدّث دلوقتي»)، والتسويات المالية والمنتجات والمخزون بتتحدّث كل 15 دقيقة. الربح الحقيقي بيتحسب بعد رسوم أمازون والمرتجعات وتكلفة المنتج اللي إنت بتكتبها.
المنصة بتغيّر أسعاري لوحدها؟
لأ. بنقترح السعر بس، وإنت اللي بتكتبه وتأكده قبل ما يتبعت لأمازون. وكل تغيير بيتسجل.
فيه تطبيق للموبايل؟
أيوه. على أندرويد دوس «نزّل التطبيق» وهيتثبت على طول، وعلى الآيفون ضيفه للشاشة الرئيسية من زرار المشاركة في سفاري. الإشعارات والاهتزاز بيشتغلوا من التطبيق.
الباقات والدفع
الدفع إزاي؟ وفيه تجديد أوتوماتيك؟
بالكارت أو المحفظة عن طريق Paymob، كل 30 يوم، ومفيش تجديد أوتوماتيك: إنت اللي بتدفع بنفسك. ولو بتبيع في السعودية أو الإمارات، سعرك بالريال أو الدرهم، وبتدفع بالكارت بالجنيه المصري بسعر يوم الدفع، وبتشوف المبلغ قبل ما تأكد.
ماذا يحدث بعد التجربة؟
تنتقل الشركة إلى الباقة المجانية إن كانت متاحة، وإلا يلزم اختيار باقة مدفوعة.
أقدر أضيف موظفين؟
أيوه، في الباقة الاحترافية لحد 3 موظفين. بيشوفوا الأوردرات والمخزون والمحتوى من غير الفلوس أو الاشتراك أو الإعدادات.